#جديد

قصيدة توسل الخادمه بالزهراء

{ ناذره عمري }

ناذره عمري لخدمتج فاطمـه
يم حسن قبليني عندج خادمه

خـادمـه قـبلينـي
بدفترچ سجلينـي

ناذره عمري لخدمتج فاطمه

•───✧◐◐✧───•

امي نذرتنـي الچ من الـصغـر
بـدربچ امشي يلعزيزه للـگبـر
وأدري بيچ مساندتنـي للحشر
انتـي امي الحانيه
مالي غيرچ ثانيــه
يالحنينه بيچ روحي هايمـه
ناذره عمري لخدمتج فاطمه

•───✧◐◐✧───•

عمري ماريده اذا ما أخدمچ
خادم يسموني لحسين والچ
واني باقي وياچ للموت أتبعچ
خادمه يسموني
وانتي نور عيوني
افتخر اخدم الدره العالمه
ناذره عمري لخدمتج فاطمه

•───✧◐◐✧───•

فاطمة اسمچ دوه لجـروحي
انتي أمي وانتـي كُلشي بروحي
خادمــه لوليدچ المــذبوحي
اخدم حسين وهله
وبخدمتي مدللــه
والخدمهم ياخذ اجر وغانمه
ناذره عمري لخدمتج فاطمه

•───✧◐◐✧───•

واليخدمچ فاطمه تعوضينه
مراد عـاجل للـخدم تنطينـه
واليجـي يم بابــچ تفرحينـه
فاطمه ام كلب الحنين
تنطي بثواب الحسين
وتحظر بكل العزيـه لاطمــه
ناذره عمري لخدمتج فاطمه

•───✧◐◐✧───•

اشكر الله اعليچ يامــولاتــي
بهل الخدامه تسجلن دمعاتي
بس الچ مولاتي أجـر وناتــي
يم الحسن مشكوره
وبخدمتـچ مسروره
يالصيتچ من الله عِله سابع سمه
ناذره عمري لخدمتج فاطمــه

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

قصيدة لمصرع الحسين

#جديد

جم حافر بصدر حسين
داســه وكسـر ظلوعــه

•───✧◐◐✧───•

داسن صدر ابو اليمه
هيچ مطشره النعمه
والسجاد اجه ولمـه
من دم تنزل دموعـه

•───✧◐◐✧───•

جالن جسمه طحننه
خيل اعداه داسنــه
رمل وتراب سونــه
يمه الخيل مجموعه

•───✧◐◐✧───•

ماينعرف من الدوس
مـاخلو عليه ملبوس
اضن حسينه منفوس
الركبـه منه مكطوعه

•───✧◐◐✧───•

راسه اعله الرمح خلو
والسجاد بي فجعـو
كبال عيونه ويدوسو
مــايتحمل اللوعــه

•───✧◐◐✧───•

من داسته الخياله
وليده لملمه وشاله
لكاه مكطعه اوصاله
وعمته عليه مفجوعه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

نعي كرناوي لطلب الحاجه على وزن النصاري الاندلسي مفاعيلن مفاعيلن مفاعيل


اجيت اطلب طلب مولاي هاليوم
مريض اشكي ابابك حيل متعوب


تجري دمعتي عباس وتسيل
عليك حسين ذاكه لهدمه مسلوب


ابجي بالحزن واكف على الباب
امشي ام الخدر ساعات الغروب


مو ادري اليدك الباب ماخاب
يمن صيتك كلف من علي ومنسوب


يبن ام البنين بهاي معروف
الخادم جايك ذب حمله هالنوب


تشافي كل مرض والمرض ماطاب
يمن بالشده توكف وانت محبوب


نطيني امراد ياعباس وبساع
عليك الذبته المهره مكلوب


اندب ياكفيل العيله والماي
ابو فاضل اجيت بكلب متعوب


بجاه الصوت ودركني يالحسين
نكتلت بالقهر ماتت هالكلوب


كومني يخو خيتك يوفاي
ادري ابهاي تكظيها يمندوب



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت2024/5/25
١٦ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

قصيده للامام العباس بوزن
الانصاري مفاعيلن مفاعيلن مفاعيل


طاح اليوم ابوفاضل يالحسين
وكع عباس وتكطعن جفين



طاح اليوم محد ظل تره وياك
الحك خويه صاح حسين بسماك
هلت من دمه لصوابه عيناك
ظل يجري دمع ويجهر بالونين



مدنك ظل تره مستحي الرواي
يكول بهاي ماوفيت بالماي
التمت بالسيوف ارماح وعداي
فزعت كل زلمها هواي صوبين



مايكدر يكوم الكافل اليوم
ينزف كل كتر مجروح ودموم
ناده بصوت ولحكني يمظلوم
ابساع ابساع ليه هنا يالحنين



رحت تركض ركض مشاي لهفان
من شفته يبو السجاد خجلان
يفكر بالعقيله هواي خلصان
سالت من دمه ومصوبه العين



بعينك شاهديته حسين وينوح
موسالم بقه كل جسمه مجروح
بسيف ومنذبح وشويه بيه روح
ظهرك ظل تره هم محني سنين



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الجمعه/2024/5/15
١٥ذرالعقده سنة هجري ١٤٤٥نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

قصيده جديده لمحرم الحرام

المستهل
حملي بفگد أخواني مال
المن ياليل أشكي الحال

حرمة وغريبه وي الناس
ومنين اجيب العباس
المن ياليل أشكي الحال

ــــــــــــــــــــــــــــــــــــــــــــــــــــــــــــ

أشكي المن حالي وأحزاني
وانه مضيعه كل خلاني
ماضل واحد من أخواني
وصفيت بولية عدواني

يحدوني الگوم الارجاس
ومنين أجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ

بلسوط اعدانه أتولوني
لوحشم الكافل ضربوني
والروؤس أتكابلها اعيوني
انهد حيلي وهد امتوني

من راح من ايدي النوماس
ومنين اجيب العباس
المن ياليل أشكي الحال

ــــــــــــــــــــــــــــــــــــــــــــــــــــــــــــ

چم طفل وطفله ينادونه
ياعمنا افزع ويحاجونه
شوف العدوان أيضربونه
وبحبال الخشنه يچتفونه

يحاچونه ويهتز الراس
ومنين أجيب العباس
ألمن ياليل أشكي الحال
ــــــــــــــــــــــــــــــــــــــــــــــــــــــــــــ

يهتز راسه وهو برمحه
نضرات الايتام تجرحه
ومعاتبهم فزز جرحه
ياخوفي اعله رقيه تلمحه

وتعرفه وتگطع الانفاس
ومنبن اجيب العباس
المن ياليل أشكي الحال

ــــــــــــــــــــــــــــــــــــــــــــــــــــــــــــ

كل ساعه وتسالني عنه
ياعمه نريد اليگفلنه
وين الجان يحامي النه
ردنه الماي وماحصلنه

وين الجربه وين الطاس
ومنين اجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ

وين العم اليوفي وعوده
لارد النه ولارد جوده
عفنه الماي نريد وجوده
هاي المنه مامعهوده

متني اخلافه بسوط انجاس
ومنين انجيب العباس
المن ياليل اشكي الحال
ــــــــــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://www.tg-me.com/القلم الحسيني/com.amAli30

نعي ليوم الودااع لمولاتي السيدة زينب عليها السلام مع الحسيين عليه السلام لسان حالها

صعب يووم الودااع  اوياك يحسين
وباچـــر خــاف اسمع چلمت المات

گـرب ليل المــوادع خـــلّص الليــل
وبدت روحي تعد ساعات ساعات

مـامـــقسومة  عشره  اوياكـم اتدووم
على الخوان اصيحن يا حــرامات

جبـت عمـــري نوايب يــوم اثر يوم
وبعد متفيد لووو مـــاتوو الدمعات

يبو اليمة اعله وجهك تربي العيــون
اخـــر ساعـــة الك ويانـــــــه تبــات

ياچـــف البــخت باچــــر يگطعــوه
ويضـل راسك تهـوس بي الشمات

وعطشانه الشـفاه ورايـــده المـــاي
شوصف حــــالهن خوية المضيعات

افــكر بالخيـــم وبلـهبــــت النــــــار
رجليـــه احسهــــن هســـــه ميـتات

چا بيمــن تلــــوذ الفاگـده اخـــــوان
تاخـذني وتجـــيني هـــواي حسبات

يبـــن امــي صــحت وتوسلت بيــه
يگلي ام عــون عينـــچ ع اليتيمات

عـــلى سكنة ورقيــة وباقي العيــال
باچـــر نسمــــع حچـــاية غريبــــات

ادموعي الكتبت اعله الضعن من شال
وحــــروف القلــــم الكـــم معـــــزيات

بحـق نهر الفــــرات وعطش الاطـفال
بالحفــــــــرة تحضرولي الــــوحشات

..........
تمت بقلم. خاددمة اهل البيت عليهم السلام ام وليــــ✍ـد الموسوي لا اجيز حذف الاسم الفاتحة إلى روح والدي ووالدتي


https://www.tg-me.com/القلم الحسيني/com.amAli30

هوسات لابي الفضل العباس


اذا هوست عالعباس أذكر موقفه الانـجب
من شال العذب بيده وگلبه من العطش يلهب
وتذكر عطش الحسين وجزم بلخوه مايشرب

وتبده الماي من چفوفه


رغما عالعطش عباس نادى يانفس هوني
من بعد ابو اليمه احسين لاكنتي ولاتكوني
افدي الروح والجفين لجله وانطي عيوني

ترخص له الروح وچفيني



رخيصه الروح هي الروح كلها مسجله باسمه
عباس وشني العباس لولا حسين ابو اليمه
من اليوم الفتحت العين نطتني امي نذر لامه

نذرتك گالت ياعباس لم احسين


ـــــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://www.tg-me.com/القلم الحسيني/com.amAli30

لطمية الى الطفل الرضيع



عبد الله زغير الذبح شيحملـه
وكلب امه يون من فركته اتسله

✫───⊹⊰⊹───✫

بجه ومن العطش غمضهن عيونه
وامه شافته وتصرخ ومحزونه
شنو ذنبه وليدي وماترحمونه
عني لو مشه يترك الف عله

✫───⊹⊰⊹───✫

نارك يلزغير حيل حراكه
بليل من افز لوجهه مشتاكه
يوجعني الثدي ويريد الملاكه
عليك يدر حليبي وخلتك خله

✫───⊹⊰⊹───✫

الكاروكه من اصد خالي ويبجيني
اصيح بصوت رايح وين يجنيني
حضني فرغ منك يابعد عيني
فراكك ياعزيزي بكلبي شخله

✫───⊹⊰⊹───✫

تدك اعلى الصدر وتسيل عيناها
مهضومه وبجت درن ثداياها
تجر حسراتها وضيعت ملفاها
تون وتكول يومك يمه ما احمله

✫───⊹⊰⊹───✫

زينب عمته تنضرله حزنانه
عيونه من العطش وشفافه ذبلانه
صاحت يا ابن امي روحه خلصانه
تعال اخذه يخويه بعينك انضرله

✫───⊹⊰⊹───✫

مارحموه عدوانه بالميه
وامه اتكول ابني مايرد ليه
اخافن ينذبح واني شيضل بيه
وحزني طول عمري ما افله

✫───⊹⊰⊹───✫

تمت بحمد الله تعالى بقلم خادمة اهل البيت عليهم السلام
الشاعرة المله زينب الطويرجاوية

٦ ٨ ٢٢ ٠ ٢


https://www.tg-me.com/zAinbtw

▪️فزاعيه▪️

في اليوم الاول من محرم



نشرت الزهره قميصه
اتصيح يبني ياحسين
——
صاحت ورجت سماها
امصابك اعيوني عماها
والفلك ردد نداها
عالي هالليله الونين
——-
اموذز وعيني تشوفه
كعبه وروحي تطوفه
اشلون دلالي يعوفه
يمه يااوليدي الحنين
———

عاري امسلب ثيابك
وانت باب الهادي بابك
ليش هذا يمه صابك
وليش مذبوحه البنين
——-
ابكتره اولاده ذبايح
اعليه لاناعي ولا صايح
وين عنه راسه رايح
وروس اولاده جاوين
————
ابلايا راس وهذا نحره
وين صدره ووين ظهره
ليش رضعانه ابكتره
اعليهم الصخره تلين
———-
اعليه عميه اعيون امه
منسحگ بالخيل عظمه
باريه ليش التلمه
وين راسه ظل رهين
———
ضامي ميت يم فراته
امطشره موته بناته
ووين جا راحن خواته
الله بس الهن يعين
———
قلبي ليش ايلوعونه
ميت ومايدفنونه
عاري بالحر يتركونه
———
بنت الشمري
٢٠٢٤

https://www.tg-me.com/القلم الحسيني/com.amAli30

#جديد

قصيدة للسابع لخوان زينب

{ سابع يوم }

سابع يـوم وأهــلي مــايردون
بعد مـاشوف خواني بالعيون

•───✧◐◐✧───•

ميردون روحتهم وداعيه
خواني مشو گل حيل مابيه
راحت ذيج كعدتنه العصريه
شيفيد الحجي للمايسمعون

•───✧◐◐✧───•

شـــالو حمــلو طيبين الگلوب
حسابي الي حسبته طلع مگلوب
عليهم آه اصيحاً وگت الغروب
شالو من وگت اهلي اليحنون

•───✧◐◐✧───•

عن الدار شالو وين نلكاهم
بعد بنفوسنه گعدات وياهم
اشتاگينه لسمرهم ولحجاياهم
وحگنه لو عليهم نعمي العيون

•───✧◐◐✧───•

آه وآه للشالو فــرد شيلــه
فركاهم كتلنه ومالنه حيلـه
ما احمل هظم ورويحتي نحيله
والضنه كطعتها مايرجعون

•───✧◐◐✧───•

ذيج ارسومهم خربت بالتراب
صعب كلش صعب يفراك الاحباب
ميرجعون واسمع دكة الباب
وهاي اعيالهم ضلو يونون

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

▪️فزاعيه▪️

مستهل الفزاعيه
للشاعره الحاجه
أم احسان الخاقاني



اسمع ونه بالمجلس جنها ونة الزهره

ونتها تهد الحيل
ياهم ومصيبه اتشيل
الونتها الدموع اتسيل
كل ماتم تره اتحضره
(إتون والدمعه سچابه)
————

تحضر ماتم العطشان
توقف والدمع غدران
وتصيح ابقلب لهفان
يانحري بعد نحره
(منحور وظل ابلا راسه)
—-

اتون واتصيح يامذبوح
يمه بالفلاه مطروح
وراسك عالسنان ايلوح
وليش الشفه متفطره
(متفطره الشفه وماراوي)
——
عميه اعيوني يالغالي
امصابك عذب احوالي
شفتك وانشده بالي
يمه بيك الف طبره
(بسيوف وليش ايوزرون)


جثته اشلون متوذره
اعظامه كلها متكسره
واولاده بعد كتره
اشلون اعيوني اتنظره
(عميه اعيوني اشلون اتشوفه)

اخته اميسره راحت
لا ونت ولا صاحت
اعليها اجبال صم صاحت
ابقلبي نار متوجره
(بمْصابك وجّرت افادي)
———
بنت الشمري
٢٠٢٤

تم وضع ابيات للهوسه في الختام
ليترك الخيار للقارئه تريد انهاء المقطع بهوسه او ببيت لطم

https://www.tg-me.com/القلم الحسيني/com.amAli30

▪️المن هلقميص▪️

في نشر قميص الحسين عليه السلام في مستهل محرم


المن هلقميص البسّمه منشور
يتگاطر دما ودمع الفلك منثور
———-
المن هلقميص التقطر ادمومه
تنعاه الزچيه ابمهجه مالومه
يفجع كل قلب وايزوّد اهمومه
واتشوفه وتشمه والفلب مجمور
————
نشرتّه القميص وتجري عبرتها
واتون بألم تفجعنه ونتها
بدا شهر المصاب لبنتي واخوتها
هيّ اميسره وجسم الولي مشمور
——-
بدا عاشور ياشيعه دعينوني
مكسوره الضلوع وعميه اعيوني
بكل ماتم اون وأنعه دسمعوني
و اعليهم بنيني قلبي ظل مكسور
———
عميه اعيون امه ابدمه رويانه
القاع وقميصه اسيوف عدوانه
والمهجه اله ولبٌنينه عطشانه
ومنهم يا وسف والله القلب المفطور
————
عميه ياحسين اعيوني لمصابك
تسعر بالقلب ياحمرة اصوابك
هالليله انتگابل آنه واحبابك
ونلطم لك سويه راس و اصدور
———-
اون وانعى ييمه ابروح لهفانه
هذا الراس فوگ الرمح وسنانه
والقاع ابدمومك ليش غرگانه
ميت ظامي كافي ليش منحور
———
شمسوي وتدوسك خيل يايمه
وامصابك ابد ماينحمل همه
ريح ومن قميصك بالدمه انشمه
بچيت الجنان وبيها كل الحور

هل عاشور نصبوها مآتمكم
وابجو وقابلوها الزهره هاي امكم
عوانه تريد الزاجيه منكم
خدام والج هذا العمر منذور
———-
بنت الشمري
٢٠٢٤


https://www.tg-me.com/القلم الحسيني/com.amAli30

ترقبوووو الديوان نار 🔥

ايام قليله وينزل للشاعرة والمله زينب الطويرجاويه

#جديد_محرم_2024
خادمة أهل البيت (,ع)
لشاعرة الملة
ام علي الحلفي

(ديوان حزن البتول. جزء اول)
(عاشوري من الهلال إلى يوم العاشر )
اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش
للطلب او الاستفسار

07832535076
07830861950واتساب


https://www.tg-me.com/hrmrm7

يومين فقط يتوفر الديوان بالمكاتب

من اروع القصائد الحزينه والجنوبية الخاصه

ان شاء الله تاخذو وتشوفون قوة القصائد والحزن الموجودات بالديوان

ديوان العبرة الفاطمية للشاعرة ام تحسين والدة الشاعرة ام علي الأماره

للحجز التواصل مع الرقم

0783 253 5076

اصدار الشاعرة الجديد👆🏻👆🏻

وينهم الجنوبيات الي يعشقون الحسچه الجنوبيه تعالن وياي نسير على قناة الشاعره ام تحسين البصرة ونكعد على راحتنه وناخذ كل النحتاجه بمجالسنه ومننسه نقره الفاتحه للشاعرة لأنها تستحق تركتلكم كتب فيها اشعار حزينه

الأشتراك من هنا عبر الرابط

👇🏻👇🏻👇🏻👇🏻

https://www.tg-me.com/a1230th

https://www.tg-me.com/a1230th

جبتلكم قناة الشاعرة رغد ام وسام قلم راقي وحزين جدا راح تستفادون من قناتها ان شاءالله

للأشتراك عبر الرابط 👇🏻👇🏻

https://www.tg-me.com/Omwiessam

https://www.tg-me.com/Omwiessam